• #L'Arborense
• #ArcidiocesidiOristano
• #inlimba
• #Sardo
• #Imprentas

Sìria. Apustis de cincuanta annus parit acabau su poderi de sa famìllia de Assad 

Domìnigu 8 de custu mesi de idas is batallantis de Hts (Hayat tahir al Sham, Assòtziu po fai torrai liberu s’Orienti) ant bintu sa batalla contras de s’esèrcitu de su Guvernu e ant ocupau totu is tzitadis finas a Damascu, sa capitali. De su chi s’ant amostau is giornalistas, in logus medas is arrugas fiant buidas e ant pòtziu intrai agiumai sena de sparai a nemus e de bociri sordaus e genti.

Funt intraus a tzitadis cun sa genti chi ddus saludàt comenti e chi fessint liberadoris e genti de coru bonu. No tocat a si-ndi scaresci ca su capu de cussus est stètiu terrorista de Al Qaedah e sa natura de su pensamentu no est democratica. Ma de seguru cussu poderi de is Assad iat bociu sa genti po tropu tempus in su corpus e in su spìritu. Su controllu de su Guvernu asuba de is tzitadinus sirianus no si firmàt in sa terra de sa Sìria, ma cussus fiant controllaus in totu su mundu peri is servìtzius segretus chi tenint (o teniant) totu in connoscèntzia. Ma comenti at fatu Assad a cumandai po totu custu tempus?

In cussa regioni de su mundu, no si podit pensai chi unu Stadu cumandit a solu e no si podit pensai chi dònnia Stadu no siat agiudau de àterus meris e padrinus. Difatis, a Assad e a su Guvernu suu dd’ant agiudau s’Iran e sa Rùssia, poita sa positzioni de cussu Stadu serbit a medas. In prus, amostai a su mundu sa fortza chi si tenit a controllai unu Stadu fait sa diferèntzia.

E s’Iran e sa Rùssia teniant e tenint interessu a fai cumprendi cantu funt fortis. A s’àtera ala s’Amèrica chi circat de aguantai su poderi in àteras partis de su mundu e in àterus Stadus de custa regioni etotu. Duncas, comenti eus imparau finas in custus ùrtimus binti e trint’annus, custus batallantis no nascint comenti a cordolinu, ma funt a bellu a bellu formaus e agiudaus a fai su chi depint fai po-ndi sciusciai Guvernus e po ndi ponni in pei àterus. Paba Franciscu si narat sèmpiri chi sa guerra praxit meda a is chi bendint armis e a chini guadàngiat de batallas e cuntierras.

E, duncas, no fait a essi tropu innotzentis candu bieus genti chi promitit paxi e umanidadi tenendi me in is manus fusilis e mitrallietas. Torrendi a is padrinus de Assad: sa Rùssia at tentu de fai in Ucràina e a medas sordaus chi agiudànt s’esèrcitu de Assad ddus ant tzerriaus po cumbati in domu. Ma calincunu aèreu ghiau de pilotas de Mosca at bombardau sa tzitadi de Alepu e at fatu morri a sexi tzivilis. S’Iran no si-nd’est andada, ma at lassau fai s’intrada a is batallantis. Is chi stùdiant e cumprendint de custas cosas narant chi no est possibili chi nemus si ndi siat acatau de nudda.

Comenti iat scritu su diretori nostru po s’atacu maladitu de su 7 de ladàmini de su 2023, innui su servìtziu segretu de Israeli depiat sciri de cussu chi is terroristas fiant cuncordendi, diaici etotu is servìtzius de Damasco, de Mosca e de Teheran no fiant dormius. Acanta de totu custas fortzas no tocat a si-ndi scaresci de Israeli e de sa Turchia.

Su primu tenit interessu a no essi s’ùnicu a batallai in cussa terra e a fai biri a su mundu chi is bixinus puru no funt farra de fai òstias. Sa Turchia, chi cumandàt asusu de Idlib, tziatadi de innui funt partius is batallantis, at donau calincunu agiudu po fai custa faina. E imoi? Ita at a essi de cristianus, curdus e de is àteras minorias de cussa terra?

Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22

A cura di Michele Antonio Corona

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Spotify: un servizio musicale digitale sempre in crescita

Fake news: imbrogli e bugie

Disabilità e Sport: tante norme per tutelare un diritto di t

N@vigando: Il digital divide

Con il numero 29 ripartono le nostre pubblicazioni cartacee

Il viaggio in Perù: Don Maurizio racconta l'intensa esperien

L'emozione di Mons. Carboni nell'incontrare la comunità sicu

Celebrato il 25mo anniversario dell'ordinazione di mons. Rob

L'OFTAL accompagna 80 persone con disabilità in pellegrinagg

Giubileo dei Giovani: l'intervista a don Marco Ruggiu

Campo scuola a Belvì: un'esperienza indimenticabile per 32 r

Riflessione. Tempo del Creato 2025

L'editoriale del 13 Luglio 2025. Sacerdoti: uomini, non supe

Il dramma della guerra in Ucraina: l'esperienza di don Ignaz

Fine vita: siamo padroni della nostra vita?

Intelligenza artificiale: la posizione di Leone XIV

L'ex carcere di Piazza Manno: un edificio da riqualificare

E' arrivata l'estate: necessario idratarsi con cura

Desulo. Il restauro del simulacro dell'Assunta dell'artista

Il ricordo di Bernardo Zizi, cantore di storia, fede e vita

Load More...