- Dettagli
- Domenica, 22 Dicembre 2024 09:38
- Scritto da Redazione
Sotziedadi. Su 5 de su mesi de Idas est bessiu unu stùdiu de importu mannu
Est de nimancu duas cidas a imoi sa publicatzioni de su stùdiu fatu de su Cisf (Centru internatzionali de stùdius in contu de sa famìllia) po su 2024 chi pertocat a millisexentus famìllias pregontadas po cumprendi comenti si bivit in domu, cali seguresas e cali problemas de dònnia dii. Su presidenti de su Centru, Francesco Belletti, chi fiat bènniu a Aristanis, candu sa Diòtzesi iat pesau su Fèstival de sa Comunicatzioni in su duamilladexotu, at nau chi sa pandemia at fatu cumprendi a sa genti sa fortza de abarrai in domu.
E de su chi in domu si bivit dònnia dii. In su Stadu nostu seti personis intra a dexi bivint in domu insoru (m’iat a praxi a sciri comenti custu nùmeru si partzit intra Cabu de susu e Cabu de bàsciu de s’Itàlia). In prus, tocat a nai chi su prètziu de is domus de comporai est crescendi sèmpiri e, po dda fai de fundamentu, ddoi bolit giai unu muntoni de dinai sceti po paperis e permissus.
Duncas, su disìgiu de sa domu abarrat finas intra is giòvanus, ma no s’arrennescit a comporai domu comenti acontessiat unu pagheddu de annus a oi. Is famìllias innui is fillus funt ancoras in domu funt su 43 % de su totu (32 % innui ddoi funt babbu e mamma, 11 % innui ddoi est unu sceti). Su 32,1 % invècias est de famìllias de unu sceti chi bivit solu (su 18,3 % tenit prus de sessanta annus e su 12,8 % est prus giòvanu de sessanta). Custu si narat chi funt is bècius chi bivint a solus, ma ddoi funt finas giòvanus e genti chi ancoras traballat.
Is famìllias chi no tenint fillus in domu funt su 20,6 %. Is domus innui bivint is famìllias funt su prus in palàtzius (57 %) e de custus su 23,8 % funt palàtzius cun prus de dexi domus e famìllias. Su 41,1 % bivit in domus sena de nemus asusu o asuta. Unu nùmeru bàsciu meda, ma chi est contau (0,3 %) est de genti chi bivit in camper, in barracas o domus tragaditzas.
Tra is famìllias chi ant respustu a is pregontas (1600) su 79,6 % bivit in domu sua, su 16 % a pesoni. E de cussus chi bivint in domu insoru su 25 % no at dèpiu fai su prèstidu, mentras su 46 % at dèpiu pregontai a una banca de dd’antetzipai su dinai e ddu torrat a bellu a bellu. Su 21 % no at dèpiu spendi nudda, poita dd’at arricia de babbus, mammas o ajajus.
De is noixentubintunu de cussas millisexentus famìllias, su 47 % no est stètiu agiudau de babbus o mammas, mentras su 37 % at tentu un’agiudu mannu de issus, e agiumai su 15 % at arriciu totu su pagamentu de su babbu e de sa mamma. Ddoi est de nai, chini at a pigai sa circa e dd’at a ligi si-nd’at a acatai, chi no funt pagus cussus chi còmporant sa domu a mannus.
Duncas tocat a biri finas s’edadi de dònnia famìllia chi at fatu cussa spesa. E is bècius? Tra is preguntas nci fiat finas cussa po sciri innui dònniunu bolit bivi in becesa e innui pensat chi at a bivi. Su prus narant de bolli bivi finas a sa morti in domu insoru (50 %); sceti su 4 % iat bolli bivi in d-una domu de pàsiu cun àterus bècius.
Ma candu a cussa genti etotu si preguntat innui pensat chi ant a bivi est su 16,5 % chi sceberat sa domu de pàsiu o s’arricoveru.
Duncas, una cosa est su chi si disìgiat, un’àtera est su chi at a essi diaveras. Su nùmeru de cussus o cussas chi narant de bolli bivi in domu de una filla o de unu fillu est bàsciu meda (2,4 %) e funt pagus finsas cussus chi pensant de acabai sa vida in domu de unu parenti (3,2 %).
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Michele Antonio Corona
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.