- Dettagli
- Domenica, 19 Gennaio 2025 11:43
- Scritto da Redazione
Sighit fintzas ocannu sa pàgina in sardu
Gràtzias a s’idea bella de su Servìtziu Limba e Cultura sarda de sa Regione Autònoma de Sardigna, chi dònnia annu bogat s’avisu IMPRENTAS pro s’impreu de sa limba sarda in is òrganos de informu, in s’editoria, in s’informàtica e in su web, su giornale nostru podet sighire a ofèrrere a is Leghidores suos sa pàgina iscrita in sardu.
Amus a contare de sa vida sotziale e culturale de s’Artzi-diòtzesi nostra, no isceti in sa carrera religiosa, ma faeddende fintzas de ambiente, de economia e de costumàntzias, antigas e noas, de is comunidades nostras e aberrende puru ventanas cara a su chi acontèsset in Sardigna, in Itàlia, in Europa, in su mundu. E no amus a fàghere mancare contos e fungudamentos chi pertocant sa limba e su connotu de s’Ìsula nostra.
Ddu faghimus cun praghere, fortes fintzas de totu is aprètzios (e no sunt istados pagos: bos torramus gràtzias dae coro!) chi nos ais espressadu ocannu passadu pro custa faina e cun sa cuscièntzia de fàghere fintzas unu servìtziu chi, a parte su dovere de dare un’informatzione sèria in custu mundu in ue, in su mare magnum de novas chi ascurtamus o leghimus ònnia die, no est discansosu a seberare cussas beras, de fundòriu e de giudu, dae cussas farsas, a medas ddis podet resurtare utilosu e, forsis, praghile.
E pro ite utilosu? Pro ite ca s’iscola ancoras no amegat de alfabetizare a is Sardos in sardu puru, comente previdet sa lege, e duncas custa pàgina podet agiudare in su caminu de alfabetizatzione in sa limba istòricu-identitària nostra, est a nàrrere in su imparare a dda lèghere e a dd’iscrìere.
Sa bulla de paba Frantziscu chi at istabilèssidu s’Annu Santu a tìtulu tenet Spes non cumbenit, S’ispera non deludet. S’ispera nostra, sa de su diretore e de totu sa redatzione de L’Arborense est chi custu servìtziu sigat a pràghere e chi potzat resurtare profetosu pro afortiare sa cunfiàntzia de is Leghidores, siat chi faeddent su sardu, siat chi non ddu faeddent, ma ddu cumprendent, cun sa forma iscrita sua e cun is règulas ortogràficas. Pro bìvere custu Giubileu totus impare, in sardu puru!
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.