- Dettagli
- Domenica, 26 Gennaio 2025 11:31
- Scritto da Redazione
Allutos pro Santu Antoni e Santu Sebestianu
Foghilone, fogulone, fogarone, fogadone, tuva, tùvera. Dae una leada a s’àtera de Sardigna, dae una bidda a s’àtera podet mudare su nòmene (foghilone, fogulone arribant dae su lat. foculu(m) + su sufissu ammanniadore –one; fogarone, fogadone arribant dae su lat. focaris-e; tuva, imbetzes, arribat dae su lat. *tufus, forma osca di tubus), segundu is logos podet mudare carchi costumàntzia de sa gente, ma no sa sustàntzia: cumentzende dae s’iscurigadòrgiu, si faghet festa totus impare a inghìriu de su fogu allutu, baddende, papende e bufende, comente acontesset su bèsperu de sa festa de Santu Antoni e su bèsperu de sa festa de Santu Sebestianu.
In is primos nòmenes est craru su riferimentu a sa base lessicale chi regordat su fogu; in tuva, imbetzes, su riferimentu est a su truncu isbòidu a intro, tuvudu, de una mata manna chi si-nde istantàrgiat, acotzadu, in mesu de sa pratza e chi a inghìriu a inghìriu si ddoe acabiddat sa coma. In biddas meda, fintzas de s’artzi-diòtzesi nostra, su foghilone de Santu Antoni o de Santu Sebestianu aberit sa simana chi portat cara a su Carrasegare.
In sa costumàntzia de is foghilones nde essint a campu a manera crara maneras de pensare e ritos antigos, nàschidos in antis de Cristos, comente sa chistione de sa fortza innetadora e fecundadora de su fogu chi annuntziat su tramudu dae s’ierru a su beranu, in ue si-ddoe sunt acabiddadas credèntzias e pregadorias de sa religione catòlica.
Is fogos, duncas, sunt una de cuddas ocasiones de mediatzione intra de rituales antigos meda chi, cun su tempus, si sunt cristianizados. Una cosa est segura: chi in ocasione de custas festas, a inghìriu de is fogos allutos in onore de su santu, faghent sa prima essida is màscheras de su Carrasegare, comente a is Corriolos de Neoneli o is Mamutzones de Samugheo o is Sonagiaos e s’Urtzu de Ortueri, pro nde remonare una pariga isceti.
E, cumentzada chi siat sa simana de su Carrasegare, cumbenit a non si-nde iscarèssere de su chi narat su ditzu antigu, un’invitu a si cumportare bene: is baddos de Carrasegare si pagant in Carèsima.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.