• #L'Arborense
• #ArcidiocesidiOristano
• #inlimba
• #Sardo
• #Imprentas

Sotziedadi. A dolu mannu tocat a biri butegas chi serrant me in is biddas 

Oi, candu serrat una butega, nci at a essi de prangi a paracu abertu. E custu pruschetotu chi sa butega serrat in una bidda pitichedda, innui funt abarradas pagas possibilidadis de no si movi po andai a tzitadi. Totus teneus sa màchina po andai, ma sa bellesa de tenni acanta de domu una butega po comporai su chi est prus necessàriu no est cosa de pagu contu.

Epuru, medas bortas po comporai duas cositeddas prefereus a andai a binti o trinta chilòmetrus, cun sa scusa chi eus a sparanniai, prus chi no a comporai in bidda etotu, sena de nci ponni totu su mangianu. E is biddas si spollant de butegas de cosa de papai, de spetzialis, de pangas, de stangus e de ufìtzius postalis.

In Siamanna, s’ùrtimu de s’annu, at serrau sa panga de Àngelu Scintu, chi serbiat unu muntoni mannu de genti, chi apretziàt su sabori bellu de sa petza. Sa panga fiat a metadi de bidda, in su stradoni, e permitiat a genti de dònnia logu de si firmai e comporai petza de baca, de procu, de vitella.

Sa genti no mancàt mai, ma sa spesa est sèmpiri prus pagu – a cussu chi prus de una borta s’at nau su pangàrgiu. Innantis de oi si comporànt binti, trinta o coranta èurus de petza, pensendi finas a sa cida intera o a una pariga de diis. Oi, invècias, po fai spesa manna unu andat a Aristanis o a calincuna de cussas butegas chi parint mercaus, innui agatas dònnia cosa. Diaici etotu est acontèssiu a sa butega de pisci chi ddoi fiat in sa pratza de su Comunu bèciu. Cussa butega puru fiat una cosa bella meda no sceti po sa bidda de Siamanna.

Difatis, no ddoi est unu logu chi bendit pisci nimancu in Siapicia, Biddaobrana, Simaghis, Biddanoa, Ollasta, Sibì. Po comporai duus piscis tocat a andai a Aristanis o a Crabas o, forsis, a Santa Justa. E custu no est unu dannu sceti po is bècius chi no podint biagiai, ma po is famìllias chi tenint bisòngiu de calincuna cosa in pressi e po chini, passendi in s’istradoni de una bidda, podit batiri a domu calincuna cosa po prandi.

In biddas meda de su Mandrolisai e de sa Barbàgia si podint biri cussus chi ddis narant Tzentrus cummertzialis naturalis, unu paru de assòtziu de butegas po s’agiudai apari e po no essi partzius in sa bidda, ma acapiaus e in relata s’una cun s’àtera butega.

S’at a podi fai finas in Campidanu o me in is biddas a ingìriu de Aristanis? Iat a serbiri po no essi solus e sena de amparu de su chi su Stadu pregontat a is bendidoris minoris. Ma tocat a arraxonai puru in contu de totu cussas butegas mannas chi funt aberrendi in dònnia logu: funt totus ugualis de foras, cun sa pròpia cosa, collocada in su pròpiu òrdini. Po fai s’esempru de Aristanis, no bastat una butega de dònnia calidadi in d-una tzitadi, ma imoi funt una pariga, spratas in totu sa tzitadi.

Ddu podiu cumprendi si su chi si bendit fiat diferenti de s’una a s’àtera. Mancari in d-una cosa de papai e in s’àtera su chi no si papat. Ma no est diaici! In totu is butegas si bendit sa pròpiu cosa. Sa populatzioni non est aumentada e no si previdit de ammanniai, duncas? A chini serbint totus custus mercaus mannus e sèmpiri prus mannus? Chi una buteghedda no nci dda fait cun is spesas e serrat, comenti faint custas butegas mannas a abarrai abertas e a cresci?

Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22

A cura di Michele Antonio Corona

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Spotify: un servizio musicale digitale sempre in crescita

Fake news: imbrogli e bugie

Disabilità e Sport: tante norme per tutelare un diritto di t

N@vigando: Il digital divide

Con il numero 29 ripartono le nostre pubblicazioni cartacee

Il viaggio in Perù: Don Maurizio racconta l'intensa esperien

L'emozione di Mons. Carboni nell'incontrare la comunità sicu

Celebrato il 25mo anniversario dell'ordinazione di mons. Rob

L'OFTAL accompagna 80 persone con disabilità in pellegrinagg

Giubileo dei Giovani: l'intervista a don Marco Ruggiu

Campo scuola a Belvì: un'esperienza indimenticabile per 32 r

Riflessione. Tempo del Creato 2025

L'editoriale del 13 Luglio 2025. Sacerdoti: uomini, non supe

Il dramma della guerra in Ucraina: l'esperienza di don Ignaz

Fine vita: siamo padroni della nostra vita?

Intelligenza artificiale: la posizione di Leone XIV

L'ex carcere di Piazza Manno: un edificio da riqualificare

E' arrivata l'estate: necessario idratarsi con cura

Desulo. Il restauro del simulacro dell'Assunta dell'artista

Il ricordo di Bernardo Zizi, cantore di storia, fede e vita

Load More...