- Dettagli
- Domenica, 09 Febbraio 2025 11:23
- Scritto da Redazione
Arrugas sderrutas. Sa retza provintziali de is bias est unu tratagasu de aparixai
Candu unu giornalista arricit calincuna punta de billetu po su chi at scritu o chi dd’atòbiant in sa bia e ddu firmant po ddi nai ca no at nau totu de su chi si depiat nai, no podit chi essi prexau. Diaici apu bìviu custas cantu diis apustis chi is abbonaus ant arrìciu a domu s’ùrtimu giornali nostru.
Chini m’at scritu ca fiat de nai chi is stradas de sa provìntzia parint tratagasus; chini at scritu ca is corrieras preferint a andai atesu, a su cabu de susu de Sardigna, chi no a benni a su tzentru, poita faint prus pagus dannus; chini at scritu ca tocat a girai sa provìntzia po sciri innui faint traballus.
Nosu seus segurus chi s’Amministradori sciit cun atentu mannu su chi si depit fai cun urgèntzia e su chi si depit fai de innoi a pagu tempus. Scieus puru chi su dinai tocat a ddu circai, a ddu pediri, a dd’agatai e totu custa no est faina de pagu contu.
Comenti eus scritu a s’inghitzu de custas rigas, no funt stètius pagus is chi s’ant scritu e s’ant postu innantis àteras bias de arrangiai luegus. Chi is ligidoris tenint passièntzia, ddas scrieus innoi po no lassai chi nemus si-ndi scarèsciat. Chi eus giai sinnau sa bia chi fait arribai a Fordongianus de su ponti mannu chi ddoi est a pustis de sa galleria de Siapicia, tocat a connosci cussa forada mala chi ddoi est in is ùrtimas curvas arribendi a Fordongianus de Ilartzi. Una forada lègia meda chi tenit sceti unu cartellu de traballus, chi però dd’ant posta in sa forada etotu.
Chi no si podit arrangiai – deu connòsciu cussu stampu de assumancus cuatru annus – tocat assumancus a ddu sinnai. In terra gei si biint is arresigaduras de is màchinas. Po chini ddoi est passau assumancus una borta, no tenit bisòngiu de sciri su chilòmetru giustu. Chi de foradas eus nau, scaleris malus tocat a mentuai.
Su primu est in sa bessida de Sabarussa, apustis de su campusantu, in sa bia chi portat a Tramatza. Ddoi ant a essi duus cartellus, mancai a lampeluxi, in is magasinus de sa provìntzia? E sa pròpia cosa po su pontixeddu in sa strada provintziali 16 chi de Geroni bessit a sa statali 442 chi portat a Làconi. Apustis bessius de Geroni, s’agatat una pedra pintada cun d-una cara e ingunis si podit fai dannu mannu a sa màchina. Finas innoi tocat a ddu sciri, poita is cartellus funt mesu pagus o nudda etotu.
No si-ndi chistionit de su tretu de bia chi aunit Siapicia cun Ollasta. E chi calincunu at a pensai che seus scriendi de is arrugas acanta de nosu etotu – ma chini m’at atobiau e scritu no est de atesu – no si-ndi podeus scaresci totu su tretu de bia chi àrtziat a Ula o cussu chi de Bauladu arribat a s’ingruxada de Milis.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Michele Antonio Corona
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.