- Dettagli
- Domenica, 09 Febbraio 2025 11:20
- Scritto da Redazione
Is espressadas rituales de sa Sartìllia
Santu Giuanne t’agiudet pro is massajos e Santu Giusepe t’assistat pro is maistros de linna. Mudat su santu, mudat su verbu (agiudare < dae su lat. adiutare, inrugadu cun s’ital. aiutare o s’ispann. ayudar; assistire < dae s’it. assistere o dae s’ispann. asistir, chi arribant dae su lat. adsistere), ma non sa sustàntzia: s’espressada de augùriu abarrat semper cussa!
Cun sa cunsìnnia de is chìrios sa die de Santa Maria de Candelas est cumentzadu ocannu puru su caminu cara a sa Sartìllia, cun totu is rituales suos, fintzas in sa carrera linguìstica. E si, pensende a s’enogastronomia, Sartìllia bolet nàrrere garnatza, tzìpulas e parafritos, in su vocabulàriu de sa currera a caddu in sa ruga de sa Sea de Santa Maria non podent mancare is fràsias de augùriu pronuntziadas dae s’Oberaju Majore (pro is massajos) e dae su Majorale en Cabo pro is maistros de linna.
Domìnigu passadu, duncas, Aristanis at bìvidu su primu atu ufitziale de sa Sartìllia, cando is presidentes de is duos Grèmios, Gabriele Pinna e Antonello Fenu, ant cunsinniadu is chìrios beneitos a is duos cumponidores Diego Pinna e Salvatore Aru. Is missas pro sa beneditzione de is candelas ddas ant fatas in sa crèsia de Santu Giuanni de Frores (is massajos) e in sa Sea (is maistros de linna).
Ma s’ora prus abetada e càrriga de significos est sa cunsìnnia de is chìrios a is cabu-currera, in domo issoro, cun s’acumpangiamentu de sa colunna sonora de is tumborràrgios e trumbiteris aristanesos. Faina, custa, chi at fatu fintzas sa Pro Loco de Aristanis, ghiada dae Gianni Ledda: a pustis de sa missa chi ant fatu in sa crèsia de Sant’Efis, at cunsinniadu su chìriu beneitu a sa cumponidoredda Giulia Atzei, in Sibì.
Sa Sartìllia est una de is ocasiones in ue, in sa parte rituale, abarrat firmu s’impreu de su sardu. Cosa chi, pro more de s’ispinta de s’italianu, amegat de isparèssere in àteras ocasiones rituales, comente a is batijares, pro nàrrere, in ue no si podiat fàghere de mancu de pronuntziare a sa mama e su babbu de su pipiu s’espressada a ddu connòschere mannu e bonu!, abetende sa risposta Deus bògiat!
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.