- Dettagli
- Domenica, 16 Febbraio 2025 11:11
- Scritto da Redazione
Is primas 25 candelas de sa faina de s’ONU
Chenàbura 21 de freàrgiu s’afestat sa Die internatzionale de sa limba de brassolu. Proclamada pro sa prima borta dae s’Unesco e adotada dae s’Assemblea generale de is Natziones Aunidas, custa faina bolet favorèssere sa diversidade culturale e linguìstica comente a valore de fundamentu. Ma, pensende a sa limba sarda, pro cantas criaduras oe in die su sardu est a berus limba de brassolu?
Est a nàrrere, cantos sunt is mamas e is babbos chi in su 2025 nde pesant a is fìgios issoro in sardu puru? Pagos, a dolu mannu pagos, si est berus chi s’imparòngiu de mama/babbu a fìgiu de su sardu amegat de si firmare in biddas meda e fintzas s’impreu in famìllia.
E, insaras, abetende chi su sardu intret a berus a iscola comente previdet sa lege e abetende chi su Vaticanu aprovet a manera definitiva sa filera de missas in sardu chi dd’at mandadu sa C.E.S., isfrutamus custu Giubileu de prata de sa Die internatzionale de sa limba de brassolu (fiat su 1999, cando dd’aiant fata nàschere) pro fàghere carchi cunsideru.
Su diritu de is Sardos de impreare sa limba issoro est reconnotu dae s’art. 6 de sa Costitutzione de sa Repùblica Italiana, dae sa Lege 482/1999, dae su DPR 345/2001, dae sa Lege regionale 22/2018 e cunfirmadu fintzas dae unas cantas sentèntzias de sa Corte Costitutzionale.
Sa chistione de s’abbiatzamentu de sa limba istòricu-identitària nostra, chi depet e podet sighire a bìvere a costàgiu de s’italianu, est in is manos de nois faeddadores, chi dda diamus dèpere impreare in cale si siat logu e ocasione. Cumentzende dae sa famìllia, faghende gosare fintzas a fìgios nostros totu su profetu mannu chi s’educatzione linguìstica a duas limbas, prus che totu si est cabudàrgia, isbòligat in is criaduras in sa carrera psico-connitiva.
E, a intro de su mese de martzu, sa Regione Sarda depet aprovare su Pranu de polìtica linguìstica regionale chi at a inditare is fainas de abbiatzamentu e afortiamentu de su sardu in is chimbe annos imbenientes. S’ispera est chi previdat fintzas una campànnia de informu e de incoragimentu pro s’impreu de su sardu in famìllia.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.