- Dettagli
- Domenica, 02 Marzo 2025 10:56
- Scritto da Redazione
A sanare in presse, Paba Frantziscu!
Est ispantosa a beru sa filera lònga de pregadorias chi in ònnia logu de su mundu est mòvida pro sa salude de Paba Frantziscu, ricoveradu in su Policlìnicu Gemelli de Roma pro more de un’infiammatzione a ambos duos is purmones. Sa Cunferèntzia Episcopale Italiana puru at invitadu a totu is pìscamos a cuncordare in is crèsias de Itàlia addòbios de pregadoria, che a su chi at ghiadu s’àtera die in Bologna su presidente de sa CEI, cardinale Matteo Zuppi. Pro chi Paba Frantziscu, cun s’agiudu de Deus e de Nostra Sennora, potzat sanare a lestru, pro torrare a serbire sa Crèsia e su mundu intreu, narat cardinale Zuppi.
No est sa prima borta chi Paba Frantziscu at sufridu pro more de sa purmonite. Ddi fiat giai acontèssidu in su 1957, a s’edade de 21 annos, cando fiat seminarista giovaneddu in Buenos Aires. Comente contat Paba Bergoglio etotu, si fiat sarvadu fintzas gràtzias a s’agiudu de una mòngia italiana, infermiera, piemontesa, intelligente, tostorruda e atrivida, mòngia Cornelia Caraglio.
A is messàgios de augùriu e a is pregadorias chi lompent dae ònnia ala de su mundu, si ddoe agiunghent cussos de is Sardos, espressados in milli maneras e chi in custas dies de pensamentu mannu si podent lèghere fintzas in is social. A manera particulare, si sèberant is pregadorias in forma de poesia iscritas dae is poetas sardos, comente a su mutu chi at postu Juanne Villa, bitzichesu: Segnore, Santu Deu', / t'imploro chin ispera, / pro su Papa vivente. / Segnore Santu Deu': / est custa sa prechera, / sanet immantinente / e non li lesses neu.
Bella meda fintzas custa otava, semper de Juanne Villa, chi chircat a Nostra Sennora de su Meràculu, in su coro de totu is bitzichesos: Segnora de su Chelu, Mama Santa, / ascurta-lu cust’ùmile credente: / cantu suta sa Ruche ti ses pranta, / meràcula su rutu suferente; / su male chi l'anneat nche l’ispranta, / Madonna ‘e su Meràculu vivente. / Tue, chi ses 'Untana de Amore, / iscràvita sos craos de dolore.
A sanare in presse, Paba Frantziscu! Ddu pregamus in totu is limbas de su mundu.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.