- Dettagli
- Domenica, 09 Marzo 2025 10:36
- Scritto da Redazione
Regioni. Dinai a is Comunus e ai Comunidadis de monti chi iant fatu domanda
Su bintisès de friàrgiu est arribau su dinai de sa Regioni Sardigna po is Comunus e po is Comunidadis in zona de monti. Ddu fiant abetendi de diora, po fai totus cussas fainas necessàrias po ndi bogai is comunidadis chi funt atesu de mari de su disterru, po circai de parai fronti a su spopulamentu e a s’ismèngua de is servìtzius.
Su dinai postu a disponimentu fiat meda, ma chi si pensat a totu cussu chi ddoi est de fai, podit serbiri sceti po cumentzai a amelliorai is cosas. Sa Regioni iat fatu su bandu in su mesi de làmpadas de s’annu passau po permiti a is Unionis de is Comunus o a is Comunidadis montanas de podi pediri dinai presentendi progetus po promovi e fai interventus in territòrius de monti.
Duas possibilidadis de pediri dinai, segundu sa lìnia chi si boliat ponni in pei. Sa lìnia de unu fiat po circai de firmai totus cussus problemas chi nascint de s’àcua o de sa terra, po avalorai is prendas ambientalis de su monti, po produsi currenti chi arribat de su bentu, de su soli o de frùminis e lagus, in prus po ammanniai e ammelliorai sa filera de sa linna.
Su dinai serbit puru po afortiai is servìtzius sanitàrius e de sa scola, chi sèmpiri de prus funt manchendi in is comunidadis, obrighendi a genti e a famìllias a si depi movi po dònnia cosa. Cantus comunus tenint pipius chi giai de ses annus funt biagendi cun su pulminu po andai a scola! Duncas cussu dinai podit serbiri po fai progetus chi pòngiant impari Comunus e comunidadis.
No amancat finas su dinai po batallai contras a su spopolamentu, cun fainas deretas a sa punna de fai bivi sa genti beni. Sa lìnia de duas donat dinai po ammelliorai is biddas, po permiti a is struturas pùbricas de tenni currenti cun maneras noas de enèrgia, po arrangiai is bias, po sparanniai unu pagu in sa luxi pùbrica e po permiti de pesai o afortiai butegas e siendas.
E cantu dinai ant donau a is comunidadis chi bivint in su territòriu chi est de sa diòtzesi nosta? Po sa lìnia de unu ant donau unu millioni de èurus a donniunu de custus: a sa Comunidadi de monti de Sarcidanu e Barbàgia de Seulu (Geroni, Ìsili, Làconi, Nuragus, Nuraddha), a s’Unioni de is Comunus de is Fenìcius (Pramas, Santa Justa, Siamaiori, Sabarussa, Biddaorbana), a s’Unioni de Guiltzier (Abbasanta, Ilartzi, Norghiddo e Paulle) e sa Barbàgia (po nosu: Tiana); 423 milla èurus a sa Comunidadi de su Tirsu de Giossu e de su Grìghini (Àllai, Ollasta, Siamanna, Siapicia, Simaghis, Biddanoa Truschedu, Zrofolliu). A custa Unioni e a sa de is Fenìcius àterus 200 milla a dònniunu po sa lìnia de duas.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Michele Antonio Corona
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.