- Dettagli
- Domenica, 09 Marzo 2025 10:30
- Scritto da Redazione
Ònnia logu est bellu pro pregare
A pregare, a crèsia, narat unu ditzu sardu pro inditare s’arroschimentu de calicunu chi at pedidu carchi cosa a calicunu àteru chi non si-dda bolet dare. Custa manera de nàrrere, duncas, in sa cultura de is Sardos no tenet su significu de inditare su logu in ue si pregat, sa crèsia, ma bolet nàrrere non sigo a pregare a calicunu chi non tenet gana o praghere de fàghere una cosa o de dare una cosa chi dd’apo pedidu.
E difatis, sa beridade est chi, pro pregare, cale si siat logu est adatu. Custu, de seguru, dd’ischint bene is isportivos de s’Athletica Vaticana chi, domìnigu passadu, a is oto de mangianu, in antis de mòvere pro sa mesu-maratona Roma-Òstia, ant pregadu a manera simpre pro sa salude de paba Frantziscu, in sa bia etotu. Dd’ant fatu in dae in antis de su Palàtziu de s’Isport, in s’Eur, a pagu tretu dae s’iscultura Noighentos de Arnaldo Pomodoro.
S’assòtziu polisportivu ufitziale de sa Sea Santa at naradu sa Pregadoria de su maratoneta e s’Ave Maria pro su paba, domandende a tenore de su chi at domandadu paba Bergoglio etotu, chi is logos turmentados de sa gherra potzant connòschere luegos sa paghe, pighende esempru fintzas de s’ispìritu de amigàntzia chi movet a is isportivos.
E sàbadu chi benit, 15 de martzu, su bèsperu de sa Maratona de Roma, si previdet sa missa de su maratoneta e de s’isportivu pro s’Annu Santu, a is ses de merie, in sa basìlica de s’Ara Coeli de su Campidòlliu: ddoe ant a pigare atletas professionistas e amantiosos de s’isport chi arribant dae ònnia ala de su mundu. Un’esperièntzia, sa de pregare in logu abertu, in mesu de sa Natura e de logos ispantosos, chi connoschent bene is dosinas de caminadores chi fatu-fatu pigant parte a is passigiadas bellas chi cuncordat sa Pastorale de su Turismu de s’Artzidiòtzesi nostra, ghiada dae don Ignazio Serra.
Is caminadores bolent pònnere paris sa passione issoro pro su caminare cun iscutas de ispiritualidade, narat don Ignazio. E, fatu-fatu, inghiriados dae nuscos de su matedu mediterràneu e dae paesàgios chi lassant a berus a buca aberta, nche ghetamus una pregadoria.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.