- Dettagli
- Domenica, 23 Marzo 2025 10:15
- Scritto da Redazione
Grighini-Arci. Una Scola po tres biddas po voluntadi de Comunus e famìllias
Sa chèscia est chi si faint pagus pipius e chi is famìllias andant atesu po traballu e po assentu de vida. Est mellus a bivi innui ddoi funt is servìtzius, innui is fillus podint andai a scola cun sulenu, innui si podit tenni possibilidadi de spàssiu. E duncas, is tzitadis mannas sighint a amanniai e is biddas a si sbuidai.
In custus mesis passaus in s’Istitutu de scola de Simaghis-Biddobrana est acontèssia una cosa manna e de importu. Giai de una pariga de mesis is famìllias chi tenint is fillus in sa scola elementari de Siapicia (de Siamanna e de Siapicia) ant cumentzau a si ponni pregontas in contu de su tempus benidori de is fillus.
Sa punna fiat a circai de no ponni totus is piciocheddus de is cincu classis impari in d-unu ùnicu aposentu. Po is pipius e po is maistus est possibili a fai un ùnicu imparu po totus? Certu, ca is maistus ant a essi circau de fai calincuna cosa po donniunu, ma cuindixi pipius impari de cincu classis diferentis a fai sa pròpia cosa no iat a essi stètiu fatzili.
Duncas, comenti fai? Su primu passu cun su dirigenti, professori Giusepi Scarpa, chi at amostau luegus interessu a biri ca is babbus e is mammas no fiant pensendi sceti a is fillus insoru, ma de prus a totus is pipius de su tempus benidori. Seus pagus e seus sèmpiri prus pagus. Duncas, mellus a pensai cun fungudesa.
De innoi, si funt mòvius is sìndigus, chi giai sciiant de custa cosa, ma cun sabidoria ant abetau chi fessit sa genti a si movi, a ghetai s’esca, a proponni calincuna cosa. Medas bortas arribaus a linna segada sena de fai nudda e sena de si movi, ma sceti po si chesciai. Giai de diora is Amministratzionis iant cumprèndiu su problema e iant provau a dd’agatai solutzioni, ma finas a candu s’àcua no arribat a tzugu, s’abetat a intervenni. Imoi fiat tempus e custus tres Comunus ant agatau una bia chi podit essi de esempru po medas.
Finas is famìllias de Biddobrana ant pigau custa detèrmina. S’acòrdiu est chi sa scola de Siapicia – manna, noa, bella e ordingiada – de cabudanni at a acasagiai finas a is piciocheddus de is mèdias de is tres biddas; invècias Biddobrana at a arriciri in sa scola sua, fata a nou de pagu, a totu is piciocheddus de is elementaris, mentras sa scola de sa pipiesa de Siamanna, de is mòngias oblatas, ma de propriedadi de su Comunu, at a arriciri, po imoi, chini bolit sena de cumandu perunu, poita finas in Biddobrana abarrat cussa pròpiu scola.
Eus a biri comenti at a andai sa faina, ma po imoi una nova bella de unioni, de traballu a comuni, de impreu pigau no sceti de Amministratzionis e de Scola, ma de sa genti. Chi siat diaici po cosas medas!
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Michele Antonio Corona
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.