- Dettagli
- Domenica, 11 Maggio 2025 09:12
- Scritto da Redazione
Bivimus in unu mundu de polìmeros sintèticos
Bivimus in unu mundu de plàstica. Semus inghiriados dae plàstica, oe in die benit male a pensare a sa vida nostra sena de plàstica, custu produsimentu industriale fatu de polìmeros sintèticos o naturales mudados chi, sena de si segare, podet pigare formas diferentes pro more de sa caloria o de sa pressione.
Sa plàstica at remplasadu s’istèrgiu de terra, s’istèrgiu de fenu (s’iscraria), su bidru, is imboddicàmenes de paperi; sa plàstica dda portamus a subra cun sa bestimenta, dd’agatamus in is màchinas, in is porta-craes, in su telefoneddu. S’abba de rios, frùmenes e mare nd’est prena, s’ambiente in ue bivimus nd’est prenu.
E essit a pìgiu fintzas in is òrganos de sa persone nostra, pro ite ca sa plàstica dda respiramus, nche dda calamus cun su chi mandigamus, dd’agatamus in s’abba chi bufamus. Non paret berus, ma est aici! E, faeddende is suspu, in cobertàntzia, est a nàrrere cun unu limbàgiu metafòricu, fintzas tzertas relatas umanas de su tempus nostru (pensamus a cussas de is social!) sunt de plàstica! Una filera longa de istùdios iscientìficos fatos in custos ùrtimos annos cun s’agiudu de microscòpios eletrònicos de generatzione ùrtima nos narant chi partigheddas de plàstica, is microplàsticas e is nanoplàsticas, s’agatant oramai in sa pedde nostra, in su sàmbene, in is venas e in is artèrias, in sa salia, in su fìgadu, in is arrigos, in s’istentinu, in is purmones.
Segundu s’istile de vida de onniunu, nche calamus intra de 0,1 e 5 grammos de plàstica a sa chida. E no est pagu cosa! S’iscièntzia at istabilèssidu a manera crara s’acàpiu intra de sa presèntzia de nanoplàsticas e microplàsticas e sa nàschida de istorbos graves, a bortas mortales, comente a su càncuru, infartos e ictus.
Sa plàstica, duncas, at a èssere utilosa, pràtica, barata, ma de seguru no est profetosa pro sa salude nostra. Sa chistione est sèria, sèria meda e urgente! E si, pro nde nàrrere una, comintzamus a no impreare prus ampuddas de plàstica e torramus a s’antiga, a is ampuddas de bidru e a s’istèrgiu de terra? Diamus fàghere unu sacu de sabiore, pro nois e pro s’ambiente!
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antonio Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.