- Dettagli
- Domenica, 08 Febbraio 2026 11:29
- Scritto da Redazione
Librus. Sa studiosa e scridora americana Paula Fredriksen si presentat a santu Pàulu
A bellu a bellu cussa idea chi santu Pàulu est stètiu su primu a scriri comenti a cristianu est cumentzendi a nci arrui. A nosu si podit parri cosa normali chi su santu nàsciu in Tarsu si depat pensai comenti a unu cristianu giai bellu e formau, unu cristianu comenti a cussus babbus mannus de sa Crèsia chi ant scritu po amparai sa fidi o po dda spiegai.
Ma Pàulu fiat giudeu, fiat nàsciu in sa religioni de is ebreus e at bìviu totu sa vida comenti a unu giudeu. Chi custa idea po nosu podit parri stravanada e noa, in su mundu de is studiosus de sa Bìbbia, e pruschetotu de su Testamentu Nou, est giai bècia. In Amèrica est de prus de cincuanta annus chi ant fatu una mudada de pensamentu: Pàulu fiat ebreu, pensàt in cussa manera, ligiat sa Bìbbia in cussa manera e teniat una religiosidadi acapiada a cussa de su pòpulu suu.
Professora Fredriksen, chi at scritu in ingresu in su 2017 e s’annu passau sa domu de imprenta de is Paolinus at bortau su scritu, proponit de ligi, studiai e cumprendi a Pàulu innantis comenti a unu chi fiat seguru chi su mundu fiat spacendi. Pensàt chi Gesugristu fiat prontu a torrai de ingunis a pagu tempus, chi su mundu fiat prontu a spaciai e chi sa fidi tocàt a dda bivi in su tempus chi amancàt a cussa torrada. In prus sa professora circat de spiegai in d-unu libru de cuatruxentu pàginas chi su mundu de insaras fiat comenti partziu in duus, po is giudeus: cussu de issus e cussus de chi no fiat de su mundu insoru. Su de is giudeus in pei po volontadi de unu Deus chi acumpàngiat sa vida e su pòpulu, s’àteru mundu fatu de tiauleddus e de deus chi batallànt tra issus e cun is òminis.
A ligi su libru, calincuna duda benit in contu de is cosas chi sa scritora narat, ma agatant arrispusta luegus cun totu is documentus chi issa amostat e mèntuat. Tra is cosas prus de interessu chi apu lìgiu e chi mi praxit a cumpartziri cun chini ligit custas arrigas est su chi narat asusu de sa circoncisioni.
A no dda fai no est imbentu de Pàulu, ma giai medas ebreus pensànt chi no totus is chi sighiant de foras cussa religioni si depiant segai sa petza po intrai in cussa fidi. Fredriksen betit unu muntoni mannu de provas po nai chi su chi Pàulu narat fiat giai in sa mentalidadi.
No si podit essi de acòrdiu cun issa po totu, ma a ligi cosas chi movint su stùdiu e s’interessu non podit chi fai beni a nosu comenti a cristianus e a is comunidadis nostas.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Michele Antonio Corona
E' questo il tempo giusto per abbonarsi a L'ARBORENSE
Il giornale direttamente a casa tutte le settimane.
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.