- Dettagli
- Domenica, 05 Ottobre 2025 10:55
- Scritto da Redazione
Torinu.Custas diis si depit cunfirmai una pregonta in contu de is domus a pesoni
Candu su giornali est arribau a domu de is ligidoris e ligidoras, in su Comunu de Torinu ant giai votau sa pregonta de sa majoria polìtica. Su Guvernu comunali ghiau de is Cincusteddus e de su Partidu Democràticu ant fatu una proposta: sa de obrigai a is meris de is domus innui no ddoi bivit nemus de ddas donai a pesoni.
Funt sèmpiri de prus is chi pedint domus po bivi e chi no tenint possibilidadi de pagai prètzius tropu artus. Me in is tzitadis mannas s’andat de cincuxentus e milli èurus po aposenteddus piticus. A bortas su pròpiu prètziu si pedit po un’aposenteddu sceti in d-una domu. Funt sèmpiri de prus is chi pedint domu e chi bolint tenni unu logu anca podi bivi e corcai.
Is prètzius po comporai domu no si podint prus sodigai e, duncas, sa cosa prus discansosa est a dda pigai a pesoni. Ma finas a custu est tropu de pesu e is famìllias no nci-dda faint prus. Duncas, su Comunu de Torinu, apustis de àterus comunus mannus e piticus, at pensau de fai una cosa: fai cresci, po is meris de is domus sena de genti a pesoni, su chi si depit pagai dònnia annu.
E ita ant a fai cresci ancoras? Innantis de totu aumentat s’àliga e apustis cussa chi ddi narant Imu. Duncas, chini tenit domu sena de donai a pesoni, segundu custa detèrmina de su Guvernu de su Comunu de Torinu, at a pagai meda de prus de is àterus, finas a essi obrigau a donai sa domu a chini ndi tenit abisòngiu. Is chi amparant a is meris de domus, s’assòtziu de is meris de domu, ant pesau briga, narendi chi no est giustu mancu segundu sa Costitutzioni a fai una detèrmina comenti a custa.
Segundu issus: E chini mi podit obrigai a donai domu mia a calincunu, chi est su Stadu chi no nci arrennescit a fraigai domus e a ddas donai? Chini podit ghetai a chini si siat cosas de pagai in prus, poita detzidit de fai de sa cosa sua su chi bolit? Ma su Comunu pensat a totus cussus chi no podint pagai is prètzius artus chi si pedint in d-una tzitadi. Una famìliedda comenti fait a pagai cincuxentu e sexentu èurus a su mesi, candu pigat sceti milli o millieduxentus èurus a su mesi?
No est cosa de pagu contu e funt pistighìngius mannus po is famìllias e po is comunus. Sèmpiri de prus s’intendint contus de genti chi pigat sa domu a pesoni e, apustis, no pagat po mesis opuru de famìllias chi pariant de bona trassa e, apustis, ant arrogau sa domu. Un’amiga de Casteddu at donau a pesoni sa domu sua e chini dd’at pigada dd’at fatu dannus po millas e millas èurus. Unu pagheddu po no ai mai pagau is bulletas e unu pagheddu po comenti scudiat gennas e fentanas. Ma no totus funt diaci! Certu.
Ddoi est genti chi fait sacrifìtzius po pagai sa domu e po essi giusta. Ma comenti si podit fai a obrigai sa genti a donai a pesoni cun d-una detèrnima comunali? Chini scriit at tentu una scomùniga cun duus piciocus chi funt stètius po una cuindixina de diis in domu de pàsiu.
Ant fatu dònnia faina mala: pipai a intru de domu; studai is sigaretas asusu de is arregiolas in s’aposentu de dormiri; lassai sachitas de àliga sena de partziri e petza cun bremi; su frigorìferu segau. E ddoi fiant sceti po cuìndixi diis. E chi ddis lassau sa domu po una pariga de mesis? Eus a biri ita ndi bessit de sa detèrmina de Torinu!
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Michele Antonio Corona
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.