- Dettagli
- Domenica, 17 Marzo 2024 09:54
- Scritto da Redazione
Sa chèscia de is massajos e de is pastores
Sighit in Sardigna puru sa chèscia de su mundu de su sartu. Massajos e pastores ant torradu a allùghere is tratores issoro pro ammentare a totus is barrancos de unu setore chi, giai dae annos meda, depet fàghere is contos cun unu mercadu oramai mundiale e cun polìticas agrìculas istabilèssidas a tesu, in Bruxelles, chi però non pigant in cunsideru is piessignos de siendas sardas e is costos reales de produsimentu.
Una de is chistiones prus de importu de sa chèscia, difatis, est sa cuncurrèntzia cun produsimentos a istracu baratu chi arribant dae àteras partes de su mundu, in ue bortas meda s’impreant meighinas, fitofàrmacos e diserbantes proibidos in Europa, pro ite ca faghent dannu a sa salude, e non si respetant is diritos de is traballadores, su prus de is bortas isfrutados e sutapagados.
In su bangu de is imputados ddoe est sa P.A.C. (sa Polìtica Agrìcula Comunitària), cun is règulas suas chi non nche resurtant a parare fronte a custu mercadu oramai globalizadu e chi, cun unu muntone mannu de burocratzia turmentosa, no est de agiudu a is produsimentos locales, chi non podent rèere su cunfrontu cun cuddos furisteris.
S’àtera chida, in Tramatza, is resones de sa chèscia de is tratores si sunt inrugadas a pare cun cudda pro su prètziu de su late, chi in su mese de freàrgiu de su 2019 aiat portadu in pratza mìgias e mìgias pastores sardos.
Su pistighìngiu prus mannu de is massajos e pastores sardos oe sunt is ecoischemas de sa Pac 2023/2027, est a nàrrere is cumportamentos pro amparare su clima, s’ambiente e su istare bene de is animales, s’ismèngua de is agiudos pro sa pesamenta de bacas, berbeghes e crabas, sa cuncurrèntzia sena de règulas intra de Paisos de s’UE e, pruschetotu, foras de s’UE, sa chistione de sa tratziabilidade e de s’etichetadura de su lore e de s’arrosu chi arribant dae mesu mundu.
Ma ddoe sunt fintzas is chistiones de s’afracada a su paesàgiu sardu dae parte de is ispeculadores de s’energia e sa chistione de su printzìpiu de insularidade in Costitutzione, chi, pro immoe, massajos e pastores non nde bient profetu cuncretu perunu.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.