• #L'Arborense
• #inlimba
• #Sardo
• #Imprentas
• #AntoniNàtziuGarau

Fordongianus. Sa presentada s’11 de ghennàrgiu 

Una chirca chi movet dae su contu de is costumàntzias de is Fordongianesos pro su Carrasegare e pro is àteras festas, chi contat comente si biviant in su sèculu passadu e chi oferit s’ocasione pro torrare a segus in su tempus, a bortas de unas cantas mìgias de annos in antis de Cristos, pro resonare de sa Sardigna e de is tzivilidades de su Mediterràneu. De custu e de s’ammisturu intra de maneras de pensare antigas, pre-cristianas, e cristianas si faeddat in Festas e traditziones in sa molinada de su baddu (Condaghes Editziones), unu libru iscritu dae Joyce Mattu, chi s’est pòdida bàlere de una chirca funguda, longa dòighi annos, fata dae una cambarada de Fordongianesos amantiosos de su connotu e de s’istòria de sa bidda issoro. S’òpera faeddat de su sincretismu religiosu chi essit a campu in is avesos cumpartzidos dae sa comunidade de Fordongianus, a prus a prus in su baddu e in is festas, chirchende de cumprèndere comente totu sunt mudados in su cùrrere de is sèculos e, meda meda, intra de is annos Chimbanta e Setanta de su sèculu passadu.

Sa prima parte de su libru permitit de connòschere comente si biviant is festas in sa bidda de Barigadu oru oru de su Tirsu, dae sa festa pro Sant’Antoni de su Fogu a cussa pro Santa Maria de Candelas, dae su Carrasegare a sa Pasca Manna, dae cussa pro Santu Lussurgeddu a sa festa pro Santu Sidore, pro Santu Giuanni, Santu Pedru, Santos Lussùrgiu e Archelai fintzas a totu is àteras festas chi acumpàngiant a sa Paschighedda.

S’autora, in sa de duas partes de su libru, s’istentat faeddende cun una mirada antropològica de s’importu de is informos orales in custa genia de chircas e de su caminu longu de sa religiosidade de is Fordongianesos e de is Sardos, dedichende unu capìtulu a is festas de su fogu e un’àteru a sa ritualidade de is baddos.

S’òpera, acumpangiada dae una USB Card cun prus de 23 oras de intervistas fatas a is antzianos de sa bidda, dda presentant sàbadu 11 de ghennàrgiu 2025, a is chimbe de merie, in sa crèsia de Santu Pedru. Una faina bella, chi at fatu a dda fàghere gràtzias a s’agiudu de su Comune de Fordongianus.

Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22

A cura di Antoni Nàtziu Garau

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Spotify: un servizio musicale digitale sempre in crescita

Fake news: imbrogli e bugie

Disabilità e Sport: tante norme per tutelare un diritto di t

N@vigando: Il digital divide

Con il numero 29 ripartono le nostre pubblicazioni cartacee

L'emozione di Mons. Carboni nell'incontrare la comunità sicu

Celebrato il 25mo anniversario dell'ordinazione di mons. Rob

L'OFTAL accompagna 80 persone con disabilità in pellegrinagg

Giubileo dei Giovani: l'intervista a don Marco Ruggiu

Campo scuola a Belvì: un'esperienza indimenticabile per 32 r

Riflessione. Tempo del Creato 2025

L'editoriale del 13 Luglio 2025. Sacerdoti: uomini, non supe

Il dramma della guerra in Ucraina: l'esperienza di don Ignaz

Fine vita: siamo padroni della nostra vita?

Intelligenza artificiale: la posizione di Leone XIV

L'ex carcere di Piazza Manno: un edificio da riqualificare

E' arrivata l'estate: necessario idratarsi con cura

Desulo. Il restauro del simulacro dell'Assunta dell'artista

Il ricordo di Bernardo Zizi, cantore di storia, fede e vita

L'arte di Domenico Cubeddu: le statue di ceramica parlano

Load More...