- Dettagli
- Domenica, 20 Aprile 2025 09:35
- Scritto da Redazione
Ma cheret guvernada in sa carrera ètica
S’intelligèntzia artifitziale (IA est sa sigla in italianu; AI in inglesu, dae Artificial Intelligence), dd’ischimus, amegat de agatare aplicu in unu muntone de setores de sa vida nostra de ònnia die. Sa chirca pro cuncordare sistemas chi, imperende milliardos de datos, faghent contos o fainas chi s’òmine bi diat pònnere annos pro ddos fàghere, est faghende pees lestros in totu is campos. Giai dae unos cantos annos, fintzas paba Frantziscu si-nd’est incurende, pro is cunsighèntzias chi un’impreu malu de s’IA diat pòdere àere in sa carrera ètica.
Unu de is setores in ue s’IA est giai mustrende resurtados ispantosos est cussu de sa salude, prus che totu pro su chi pertocat sa diagnòstica, sa preventzione e sa cura de is maladias. Un’esempru? A un’intelligèntzia artifitziale dd’ant istrutzionada pro lèghere is eletrocardiogrammas e, gràtzias a un’analizu fine chi faghet de is tocheddos de su coro, podet prevènnere unu muntone mannu de mortes in s’ispidale.
Un’istùdiu fatu in su National Defense Medical Center de Taiwan e publicadu in Nature Medicine nos contat chi s’IA dd’ant impreada pro averiguare is eletrocardiogrammas de 16.000 persones e nch’est resèssida a ismenguare de su 31% sa morte de is malàidos chi presentaiant unu livellu de arriscu prus artu. Comente ant fatu?
A s’IA dd’ant imparadu a lèghere is tratzados de is eletrocardiogrammas de 450.000 malàidos, carrighende fintzas is datos in contu de sa subravivèntzia de onniunu. S’IA at imparadu duncas a seberare is persones chi teniant un’arriscu prus artu de isvilupare problemas de coro. A pustis, su sistema cun custas istrutziones dd’ant provadu cun is malàidos sighidos dae 39 cardiòlogos in duos ispidales diferentes.
E est in cue chi, comente is infermieris carrigaiant is resurtados de is eletrocardiogrammas, su sistema avisaiat chi carchi cosa in is tocheddos de su coro no andaiat bene. In custos duos ispidales nche sunt resèssidos a ismenguare de su 31% sa mortalidade pro cale si siat motivu de is malàidos prus in perìgulu de vida e de ismenguare de su 90% sa mortalidade pro problemas de coro.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antonio Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.